عتاب من اعمال الشاعر بيرم التونسى

ليه امشى حافى ، وانا منبت مراكيبكم
ليه فرشى عريان ، وانا منجد مراتبكم
ليه بيتى خربان، وانا نجار دواليبكم
هى كده قسمتى ؟
الله يحاسبكم !
********
ساكنين علالى العتب ، وانا اللى بانيها
فارشين مفارش قصب، ناسج حواشيها
قانين سواقى دهب، ونا اللى ادور فيها
يارب ماهوش حسد
لكن بعاتبكم
********
من الصباح للمسا ، واامطرقه فيدى
صابر على دى الاسا ! حتى نهار عيدى
ابن السبيل انكسى ،واسحب هرابيدى
تتعروا من مشيتى
واخجل اخاطبكم
********
ليه تهدمونى وناللى عزكم بانى
انا اللى فوق جسمكم قطنى و كتانى
عيلتى فى يوم دفنتى مالقيتش اكفانى
حتى الاسيه وانا راحل وسايبكم ؟
********